Dumenic Andry e Jessica Zuan
Foto: Ladina Bischof
Dumenic Andry nascha ils 7 mai 1960 a Turitg e passenta sia uffanza a Ramosch en Engiadina Bassa. El studegia romanistica a l’Universitad da Turitg en ils roms franzos, rumantsch e talian. Oz lavura el independentamain sco traductur, lector ed autur. Dapi il 2014 è el co-redactur da las Annalas da la Societad Retorumantscha. Andry ha publichà Roba da tschel muond, Artori, Savognin, 2002 e Uondas, editionmevinapuorger, Turitg, 2008 e Sablun, poesias, Cuira, Chasa Editura Rumantscha, 2017. El scriva dapi intgins onns contribuziuns per l’emischiun litterara Impuls da Radiotelevisiun Svizra Rumantscha e publitgescha regularmain en periodics ed antologias. Per sias ovras ha el survegnì il premi Schiller il 2009 ed il Premi svizzer da litteratura l’onn 2018. El viva cun sia famiglia a Zuoz.
Foto: Monica Almirall Batet
Jessica Zuan (1984) es creschida sü a La Punt Chamues-ch ed a Segl Maria. In sia giuventüna ho ella passanto ün an a St. Emilion. La poetessa ho fat sia matura a Genevra, inua ch’ella eir stüdgio germanistica et litteratura cumpareda. Pü tard ho ella fat stüdis da traducziun ed lavuro cu traductura da suottituls, in üna chesa editura ed in üna agenzia litterara a Barcelona. Lo viva ellas daspö 15 ans cun sia famiglia. Sieu prüm cudesch da poesias L’orizi / La tempête (Samizdat, Genevra) es cumparieu l’an 2017. Cuort zieva es cumparieu Stremblidas e s-chima (Chasa Editura Rumantscha, 2019). Per sias poesias ho Zuan survgnieu il Premi da promoziun culturela dal Chantun Grischun 2020 ed il Premi da promoziun culturela da la Regiun Molögia 2020. L’autura publichescha eir in magazins, antologias etc.
Progetto
Jessica Zuan lavura vi da poesias nouvas per sieu cudesch da poesias Launa da pavagls. La poetessa prouva da chatter la fuorma ed ils pleds adequats in sias poesias per ils purtrets e las impreschiuns chi la captiveschan ed occupan. Mincha text pretenda üna maniera differenta da proceder e da scriver: per tschertünas poesias sun retscherchas indispensablas, otras drouvan üna fuorma grafica specifica per accentuer il cuntgnieu u ün vocabulari e figüras poeticas chi s’affaun. Las poesias scrittas e quellas chi naschan düraunt ils prossems mais fuorman la basa per discuter las dumandas in connex culla lingua, il stil, il cuntgnieu, las illustraziuns, la cumposiziun dal cudesch e l’united da l’ouvra.